بِسْمِ اللّٰهِ الرَّحْمٰنِ الرَّحِيْمِ
Alhamdulillāh, kito sedoyo taksih dipun paringi nikmat umur, nikmat sehat, saha nikmat iman. Wonten ing dinten istimewa menika, Selasa Kliwon, tanggal 15 Dzulqa‘dah/hapid 1446 H/1958 J, mugi dados pangeling-eling tumrap kita sedaya bilih Tanah Jawi punika kagunganipun Gusti Allah, dudu kagunganipun bangsa tartamtu, dudu kagunganipun pamaréntah, lan ugi dudu kagunganipun penjajah. Nanging murni kagunganipun Dzat ingkang nitahaken langit lan bumi.
Nanging nyatane, kathah tiyang utaminipun ing kalangan para intelektual sekuler, remen ngendika:
> “Menawi kersa ndhèrèk syari’at Islam, lajeng pindhah mawon dhateng Aceh, utawi Arab!”
Lha padahal... Tanah Jawi punika ugi kalebet tanah Islam!
Nggih leres, Aceh ngginakaken syari’at Islam, Arab ngginakaken syari’at Islam, nanging dereng kaffah.
Isih kapadu kaliyan sistem kapitalis lan demokrasi sekuler warisan penjajah barat!
Tanah Jawi punika ugi sampun nyawiji kaliyan Islam:
- Kalender Jawa sampun dipunsarujuki kaliyan sistem Hijriyah déning Sultan Agung Mataram.
- Dinten kapisan saben pekan dipunsebat Akad, Ngahad, utawi Ahad, dudu “Minggu”.
- Wali Songo nglajengaken dakwah Islam kanthi budoyo Jawi ingkang adiluhung.
- Kraton Demak, Mataram, Cirebon, Banten, Yogyakarta, Surakarta — sami nyimpen jejak khilafah ing Nusantara.
- Raden Patah dipunangkat dados Khalīfatullāh ing Tanah Jawi déning Khalifah Turki Utsmani.
Lha kok sapunika malah tiyang Jawi dipunanggep asing kaliyan Islam?
Dipunceluk "ke-Arab-araban", "radikal", "nggak tresna budaya" — padahal Islam sampun dados bagian saking jatidiri tiyang Jawi!
Gusti Allah paring piwulang ing Al-Qur’an:
> إِنِ الْحُكْمُ إِلَّا لِلَّهِ
“Inil ḥukmu illā lillāh.”
“Nggih Gusti Allah piyambak ingkang kagungan hak maringi paugeran (hukum).” (QS. Yūsuf: 40)
> وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الظَّالِمُونَ
“Wa man lam yaḥkum bimā anzalallāh fa-ulā’ika humuẓ-ẓālimūn.”
“Sapa kemawon ingkang boten netepaken hukum miturut ingkang dipunwahyukaken déning Allah, mila tiyang punika kalebet tiyang dzālim.” (QS. Al-Mā’idah: 45)
> أَفَحُكْمَ الْجَاهِلِيَّةِ يَبْغُونَ ۚ وَمَنْ أَحْسَنُ مِنَ اللَّهِ حُكْمًا لِقَوْمٍ يُوقِنُونَ
"Apa menika hukum jaman jahiliyah ingkang badhe dipun-ginakaken? Lajeng, sinten malih ingkang langkung sae hukumipun tinimbang hukumipun Gusti Allah tumrap tiyang-tiyang ingkang yakin?” (QS. Al-Mā’idah: 50)
Sapunika punapa kita taksih purun migunakaken hukum ciptaan manungsa?
Sanes purun ta kita manut kaliyan hukumipun Gusti Allah?
Sombong punika!
Manungsa ingkang ngersakaken hukum piyambak lan ngluhuraken hukum buatan tiyang, mila wau kalebet tiyang dzālim, fasik, lan saged dados kafir.
Tanah Jawi, Tanah Sunda, Tanah Minang, Sumatra, Kalimantan, Sulawesi, Papua — punika sedaya kagunganipun Gusti Allah.
Umat Islam ing endi-endi kedah mangertos bilih bumi menika kagunganipun Dzat ingkang Maha Suci, Gusti Allah!
Mila, kedah manut dhumateng paugeranipun, hukumipun, lan syariatipun!
---
Piwulang & Pangajab:
Mugi sedaya warga Nusantara, mliginipun warga ing Tanah Jawi, saged éling saha waspada bilih Islam punika boten asing saking budaya Jawi, malah sampun dados siji kaliyan adab lan budaya.
Wis wayahé umat Islam bersatu, ngugemi Qur’an lan Sunnah, nglajengaken perjuangan para wali lan para ulama.
Tanah Jawi punika kagunganipun Gusti Allah, lan mesthinipun kedah diatur kanthi hukum saking Gusti Allah!
Takbir!
اللّٰهُ أَكْبَرُ!
Posting Komentar untuk "Tanah Jawi Kagunganipun Gusti Allah, Kedahipun Manut Dhumateng Aturanipun‼️☝️"