Ngadhapi Warsa Enggal Masehi ingkang bertepatan kaliyan wulan Rajab

Rebo Pon, 1 Rajab 1446 H / 1 Januari 2025 M.

🗓️Kalender Global Muhammadiyah.

Bismillahirrohmanirrohim. Rèkan² sedoyo ingkang kulo hormati, dinten meniko kito mlebet wulan ingkang mulyo, yaiku 1 Rojab 1446 H, ingkang tumapek ing dinten Rebo, 1 Januari 2025 Masehi. Wulan Rojab puniko kalebet salah setunggaling asyhurul hurum (wulan-wulan haram) ingkang dipunagung-agungaken dening Allah SWT. Wulan meniko minongko pratondho awal ngrekso ibadah lan nyiapaken manah kang luwih khusyuk sakderengipun mlebet Ramadhan.

Wonten wulan Rojab puniko ugi wonten peristiwa ageng yaiku Isra’ Mi’raj Nabi Muhammad ﷺ. Puniko minongko pratondho agung tumrap umat Islam, ing pundi diwajibaken ibadah sholat lima wekdal minongko pondasi agung agami Islam. Allah ngendikaken ing Al-Qur’an:

"سُبْحَانَ الَّذِي أَسْرَى بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى"

(QS. Al-Isra: 1)

"Maha Suci Allah ingkang nglairaken hamba-Nipun wonten ing wengi, saking Masjidil Haram dhateng Masjidil Aqsa."

Ing sisi sanesipun, dinten meniko ugi dipunriyosaken dados pergantian tahun 2025 Masehi. Pramila, perlu dipunélingaken bilih merayakan tahun baru masehi puniko kalebet bid’ah ingkang mboten gadhah dhasar saking tuntunan Nabi Muhammad ﷺ. Kito langkung sae migunakaken pergantian tahun meniko kanthi ibadah, dzikir, lan introspeksi tumrap amal kito. Allah SWT ngendiko:

"وَأَن لَّيْسَ لِلْإِنسَانِ إِلَّا مَا سَعَى"

(QS. An-Najm: 39)

"Lan bilih manungsa mboten pikantuk kajawi ingkang dipunusahaken."

Saking sudut pandang Tarjih Muhammadiyah, perayaan taun baru mboten nggadhahi faedah agami lan malah saged nyebabaken kedunyaan. Umat Islam langkung sae nyinaoni bilih pergantian taun puniko sami kemawon kaliyan pergantian dinten. Dados momentum punika saged kita migunakaken kangge nyusun rencana lan ningkataken kualitas iman dhumateng Allah SWT.

Wulan Rajab puniko ugi pratandha bilih Sya’ban badhe tumapek ing wulan Februari, lan Ramadhan 1446 H badhe tiba ing wulan Maret 2025 (kalender Global Muhammadiyah). Pramila, sampun wektunipun kito nyiapaken manah lan fisik kangge ningkataken amal ibadah. Mugi-mugi kita dipunparingi istiqomah ing ngleksanani sunnah Nabi Muhammad ﷺ lan tansah langkung cedhak dhumateng Allah SWT. Amin.

Berbagi :